மோசேக்கு வந்த மூணு Temptations

மோசேக்கு வந்த முக்கியமான மூணு Temptations

1.தன்னோட சொந்த பலத்தால எகிப்து மனுஷங்கள ஜெயிச்சு தன்னோட இஸ்ரவேல் மக்களுக்கு விடுதலை குடுக்கலாம்னு ஒரு சோதனை வந்தது. ஒருத்தனக் கொல்லவும் செய்துட்டார். ஆனா மாட்டிக்கிட்டார் மோசே. ஊத்திக்கிச்சு அவர் Plan.

2.மலை மேல இருந்து பத்துக் கட்டளைகளத் எடுத்துட்டு கீழே வர்றப்போ, ஆரோன் அன் கோ ஒரு தங்கக் கண்ணுக்குட்டிய செஞ்சு worship பண்ணிட்டு இருந்தாங்க. கடவுள் மோசே கிட்ட சொன்னார், “பேசாம இவங்களக் கட்டி மாரடிக்காம விட்டுட்டு வா. உன்னப் பெரிய தலைவனாக்கி உன் சந்ததிய பெரிய நாட்டுக்கு சொந்தக்காரங்களா மாத்திடுறேன்”

3.அப்புறமா குடிக்கத் தண்ணியில்லாத ஒரு சூழ்நிலையில, பாறைகிட்ட பேசு தண்ணி வரும்னு கடவுள் சொல்ல. மோசே பாறைய தன் கையில இருந்த குச்சியால அடிச்சுட்டாரு.

இரண்டாவது சோதனை தான் மோசேய ஒரு மகா லீடரா மாத்திச்சுதுன்னு நினைக்கிறேன். இங்கே கடவுளே சோதனைக்கான ஏஜண்ட் மாதிரி கேக்கறார், “விடு, இந்த ஜனங்கள அழிச்சுடறேன். உன்னப் பெரிய ஜாதியாக்கறேன்.” நம்மள மாதிரி ஆட்கள், “Praise the Lord.” னு சொல்லிட்டு நம்ம நாட்டுக்கு புது பெயர் புதுக் கொடி ன்னு ப்ளான் பண்ண ஆரம்பிச்சிருப்போம்.

மோசேயுடைய பதில் ஒரு Great Leader ஐ சாதா தலைவன்-ட்ட இருந்து பிரிச்சுக் காட்டிச்சுது. “உம்முடைய கோபத்தின் உக்கிரத்தை விட்டுத் திரும்பி, உமது ஜனங்களுக்குத் தீங்குசெய்யாதபடிக்கு, அவர்கள்மேல் பரிதாபங்கொள்ளும். உங்கள் சந்ததியை வானத்து நட்சத்திரங்களைப்போலப் பெருகப்பண்ணி, நான் சொன்ன இந்தத் தேசம் முழுவதையும் உங்கள் சந்ததியார் என்றைக்கும் சுதந்தரித்துக்கொள்ளும்படிக்கு, அவர்களுக்குக் கொடுப்பேன் என்று உம்மைக்கொண்டேஅவர்களுக்கு ஆணையிட்டுச் சொன்னீரே என்று கெஞ்சிப் பிரார்த்தித்தான்” (யாத்திராகமம் 32:12-13).

மோசே தனிநாடு திட்டத்துக்கு ஒத்துக்க மாட்டான்னு கடவுளுக்குத் தெரியும் ஆனாலும் டெஸ்ட் பண்ணிப் பாத்தார். இது டெம்ப்ட்டேஷன் இல்ல டெஸ்ட். (தமிழ் சோதனைக்கு English-ல மூணு அர்த்தங்கள் இருக்கு Temptation / Test / Trial ) நம்மோட ஆவிக்குரிய வாழ்க்கையில நாம வளர்றப்போ, சாத்தானோ, கவர்ச்சிக் கன்னி/காளை, அல்லது கிறிஸ்தவ skits ல காட்றா மாதிரி சிகரெட், பாட்டில், சினிமா இப்படி சோதனைகள்(Temptations) மட்டும் வராது. ஜெபம் பண்றப்போ, பைபிள் வாசிக்கிறப்போ, கிறிஸ்தவ மீட்டிங்கள்ல மெசேஜ் கேட்டுட்டு இருக்கறப்போ கூட Test கள் வரலாம்.

ஆன்மீக வாழ்க்கையிலேயும் தலைவர் பதவியிலேயும் நம்ம சூழ்நிலையில, நம்ம தகுதிக்கு, கடவுள் நம்மளயும் தலைவர்களா மாத்துவாரு. மோசே மாதிரி தலைவர்கள் பலகீனம் உள்ளவங்க தான். நம்மளப் போல மனுஷங்க தான். அவங்க தியாகமும், தைரியமும் கடவுளோட சித்தமும் கிருபையும் சேர்ந்து எவ்வளவோ சாதிச்சிருக்காங்க.

வில்லியம் கேரியோட மந்திரம் எனக்கு அதிக உற்சாகம் தரக்கூடியது. உங்களுக்கும் தான்:

“Attempt great things for God
Expect great things from God”